. النمس . #الجزء_1 . النمس نهار تزاد دربات عاصفة فسيريلانكا و باه داك العشية زلق في الحمام ،القابلة اللي خرجاتو بان ليها مغوبش صرفقاتو عاد بكا ،الليلة لي عرضو على الناس و دارو العشا اخصر المنتخب مع جمهورية الكونغو ب 3-0 ،احتارو في السمية شي بغا يسميه التيباري وجداه عندها غا ناب بغات تسميه بوعزة على سميت المرحوم راجلها لي مات غا بالغدايد ،مو بغات تسميه أحمد على سميت خوها لي مات فالاندوشين في الأخير سماوه فتاح ولكن من بعد ما صرفق مو حيت هزات ايديها عليه و الطبسيل ديال الرفيسة تقلب و كلاوه المشاش. كبر فتاح و بان انو مختلف على الآخرين كان راسو صغير و مكركب في المدرسة سماو عليه النمس انهار التحمال كان كيبرك حدى الباب باش إلا وصلات نوبتو في التحمال يحل الباب ويهرب و كترجعو مو من بعد أشهر كان كيبول في الفراش وهو عندو 12 سنة كانو كيفرشو ليه كرطونة في السداري و من بعد ولا كينعس فالكوزينة واحد النهار فاق باه على غفلة في الليل لقاه خاشي راسو في الثلاجة كياكل في الخرشف أخضر مع 4 ديال صباح ،نهار شدو المعلم باش يحملو كانو شادينو 4 ديال ديال دراري كان لابس 3 سراول او كيغوت بلعاني حيت كان معول ايتحمل